Campaña Ban Preveni Cancer Hunto
Biba saludabel, no duna cancer chens
Cancer ta un malesa cu ta afecta nos tur. No solamente e pashent, pero tambe su famia y otro hendenan stima. Mundialmente e cantidad di hende cu cancer ta aumenta. Na Aruba tambe nos conoce hopi caso di cancer. Y cada caso di cancer ta uno di mas.
Apesar cu awendia tin miho tratamento contra cancer, y e chensnan di sobrevivencia a mehora hopi, cancer ta keda un malesa cu un impacto grandi.
Prevencion ta hopi importante den e lucha contra cancer. Hopi di nos sa caba cu humamento ta un factor di riesgo pa haya cancer. E decision pa no huma, of pa stop di haci esaki, ta un stap hopi importante pa prevencion di cancer. Pero tin hopi mas cu nos por haci pa reduci e posibilidad pa haya cancer.
Expertonan ta calcula cu mas of menos un tercera parti di e casonan di cancer mas comun na paisnan occidental por wordo preveni door di:
- Come saludabel
- Come hopi berdura, fruta, producto di grano integral y legumbre, y varia den esakinan mas hopi posibel.
- Limita comemento di cuminda cu hopi caloria, y bebemento di bebida cu hopi sucu.
- Limita comemento di carni cora, y evita di come carni procesa.
- Come menos salo.
- No confia suplementonan (di por ehempel vitamina) pa proteha contra cancer
- No bebe alcohol, of limita esaki.
- Move mas
- Haci ehercicio regularmente.
- Limita actividadnan sinta.
- Mantene un peso saludabel
Ora ta trata di cancer desafortunadamente no tin garantia, pero door di biba saludabel nos ta reduci e posibilidad pa haya cancer.
Tuma accion awe. Biba saludabel y no duna cancer chens.
Koningin Wilhelmina Fonds 