Sorteo di rifa di KWF Aruba ta diadumingo awor!

 

Diadumingo awor dia 01 di november pa 6.30pm Telearuba lo transmiti e sorteo di e rifa di Koningin Wilhelmina Fonds Aruba. E rifa aki ta pa yuda Koningin Wilhelmina Fonds haya fondo pa sigui yuda comunidad bira mas conciente den e lucha contra cancer. E premionan ta hopi atractivo y ta ensera:

  • Un auto KIA Rio Hatchback
  • Crusero den Caribe pa 2 persona Cortesia di Maduro Travel
  • 2 tickets pa Amsterdam-Aruba-Amsterdam pa 2 persona pa Cortesia di KLM
  • Gift certificate 1000 florin cortesia di Caribbean Mercantile Bank Aruba
  • Gift certificate 1000 florin cortesia di Boolchands
  • Gift certificate 1000 florin cortesia di SETAR
  • Gift certificate 1000 florin cortesia di Unicon
  • Gift certificate 1000 florin cortesia di SUPER FOOD
  • 1 pasashi pa Medellin, Colombia pa cortesía di Insel Air
  • 1 pasashi pa Puerto Rico pa cortesía di Insel Air

Cancer ta un enfermedad cu awendia ta ataca tur hende sin descriminacion di sexo of edad y ta un realidad cruel no solamente pa e pashent, pero tambe pa su famia y otro hendenan stima. Mundialmente e cantidad di hende cu cancer ta aumenta y na Aruba tambe nos conoce hopi caso di cancer. Koningin Wilhelmina Fonds ta yuda e pashent di cancer y su famia gratuitamente y pa sigui haci esaki, awor tin e rifa aki pa recauda e fondonan necesario pa brinda comunidad servicio.

E comision organizador di e rifa pa recauda fondo pa KWF Aruba ta haci un apelacion pa pueblo henter contribui pa e bon causa. Pa unicamente 25 florin, bo ta contribui pa yuda Koningin Wilhelmina Fonds Aruba yuda comunidad y alabes bo tin e chens di gana premionan sumamente atractivo. B’a busca bo rifa caba? Por haci esaki tur dia na nos centro di Informacion na Spinozastraat 9 entre 9am y 6pm. Pa mas informacion por yama 5820412.

%d bloggers like this: