Alimentacion y estilo di bida despues di cancer

 

E origen di cancer ta un proceso complica unda diferente factornan ta hunga un papel. No solamente estilo di bida pero aspectonan hereditario y infeccionnan por ta factornan di risicio pa haya cancer. Investigacion recien y inovativo di Wereld Kanker Onderzoek Fonds ta demostra cu un estilo di bida saludabel ta importante tambe despues di cancer. Unabes cu e tratamentonan pa cancer ta tras di lomba, lo bo sintibo alivia. Pero e tratamento aki tin un impacto grandi tanto metal como fisicamente. Tambe hopi bes e preocupacion cu e cancer por bolbe bek ta keda preocupa e persona. Loke ta importante ta pa bo haya grip bek riba bo salud. Tin factornan cu bo lo no tin control riba nan pero bo por tin influencia si riba bo estilo di bida y alimentacion.

Investigacion na e relacion entre alimentacion y estilo di bida y e retorno di cancer y sobrebibencia ta relativamente nobo y complica. Mas y mas investigacion ta demostra cu movecion regular, alimentacion saludabel y un peso saludabel ta yuda pa preveni cu cancer ta bolbe bek. Esaki ta conta sobretodo pa cancer di pecho. Tambe estudionan a demostra cu come saludabel y un estilo di bida saludabel ta aumenta e chens di sobrebibencia serca e pashentnan di cancer di pecho. Asina mes mester sigui haci mas investigacion prome cu por duna recomendacionnan specifico pa e diferente tiponan di cancer.

Si bo a caba di pasa door di un tratamento pa cancer of si ainda bo ta den tratamento, probablemente lo bo tin necesidadnan special pa loke ta bo alimentacion. Den casonan asina lo ta bon pa bo busca conseho serca un persona specialisa manera un dietista of un dokter. Esaki ta conta tambe si despues di tratamento bo tin dificultad pa come of digeri cierto cumindanan.

%d bloggers like this: