Koningin Wilhelmina Fonds ta presenta un charla diasabra awo!

 

Den cuadro di nos campaña di concientisacion ‘Ban Preveni Cancer Hunto’, Koningin Wilhelmina Fonds Aruba (KWF Aruba) ta organisando un otro charla diasabra awor 24 di oktober na Club San Martin na Santa Cruz for di 8am te cu 12or.

E campaña di concientisacion ‘Ban preveni Cancer Hunto’ ta enfoca riba 3 aspecto cu por yuda preveni cancer: Mantene un peso saludabel, Move mas y Come Saludabel y tur e tres puntonan aki lo bin dilanti den e charlanan.

Durante e mainta aki lo tin diferente orador.

  • Angelique Salsbach ta nutricionista/dietista y lo papia riba con nos por come saludabel y mantene un peso saludabel.
  • Solange Tchong ta traha den e departamento di comunicacion di AZV y e lo amplia riba e servicionan cu AZV ta brinda na pashentnan di cancer
  • Merveline Geerman ta un sobrebibiente di cancer y e lo conta su experiencia cu cancer y con el a surpasa tur cos
  • Belquis Moreu ta un motivational speaker y e lo splica con positivismo por influencia bo bida
  • Dave Martinus di KWF Aruba lo duna un splicacion riba e servicionan cu nos ta brinda comunidad.
  • Dr. Jerely Franca ta dentista y e lo duna un splicacion con importante ta e aspecto di cuido dental ora bo tin cancer

Un peso saludabel, movecion y come saludabel no solamente ta importante den e parti preventivo pero tambe estudionan cientifico ta mustra cu un estilo di bida saludabel ta hopi importante pa e sobreviviente di cancer tambe. Come saludabel, ehercicio regular y un peso saludabel ta yuda e sobreviviente di cancer preveni pa haya cancer atrobe.

E charla aki ta dirigi riba comunidad en general y e entrada ta gratis. Si bo kier mas informacion y kier registra di antemano, bo por haci esaki na nos Centro di Informacion na Spinozastraat 9, net patras di Watertoren na Playa. Tambe por yama na 5820412 of registra via nos FaceBook.

%d bloggers like this: