Diferente Grupo di Hoben a uni forza pa un bon causa

Diasabra diferente grupo di hoben a subi caya pa asina duna nan aporte na comunidad. Nan a para na diferente localidad y asina a bende e rifa di Koningin Wilhelmina Fonds Aruba.

E diferente organizacionnan cu a participa den e acción di benta di rifa ta Rotaract, Key Club Aruba, Cirkle K EPI y Cirkle K Universidad di Aruba, Builders Club Mon Plaisir y Juilana School y Poder di Hubentud. Tambe otro role modelnan manera Miss Aruba, Srta Aruba, Miss Teen International, Damita Cultural, Reina di Carnaval Hubenil y Grandi tabata activo den e proyecto aki. Mester bisa cu e hobenna a haci un super trabou y a bende como 368 tickets cual ta un suma di alrededor di fl. 9280,-

Koningin Wilhelmina Fonds Aruba ta gradici tur e hobennan aki pa nan esfuerzo, riba un diasabra y den solo cayente, demostrando asina cu nan tin nan curason na e bon lugar y alabes nan ta aporta pa Koningin Wilhelmina Fonds Aruba concientisa comunidad riba cancer y duna sosten na e pashentnan di cancer y nan famia.

E rifa di KWF Aruba tin hopi premio atractivo pa yuda recauda fondo Koningin Wilhelmina Fonds Aruba. E premionan ta inclui entre otro un auto KIA Rio Hatchback, Crusero den Caribe pa 2 persona cortesia di Maduro Travel, 2 tickets pa Amsterdam-Aruba-Amsterdam pa 2 persona pa cortesia di KLM, Gift certificate di 1000 florin cortesia di Caribbean Mercantile Bank Aruba, Gift certificate di 1000 florin cortesia di Boolchands, Gift certificate di 1000 florin cortesia di SETAR, Gift certificate di 1000 florin cortesia di Unicon, Gift certificate di 1000 florin cortesia di SUPER FOOD, un pasashi pa Medellin, Colombia pa cortesía di Insel Air y un pasashi pa Puerto Rico pa cortesía di Insel Air. Prijs pa rifa ta: 25 florin pa un ticket y 500 florin pa buki. E rifa lo tuma lugar dia 1 di november 2015.Pa mas informacion por pasa na nos centro di Informacion na pinozastraat 9 of yama 5820412. Pa mas informacion por bai tambe na nos Facebook Koningin Wilhelmina Fonds Aruba.

%d bloggers like this: