Charla diasabra dia 26 di september

 

Den cuadro di nos campaña di concientisacion ‘Ban Preveni Cancer Hunto’, Koningin Wilhelmina Fonds Aruba (KWF Aruba) ta organisando un otro charla diasabra awor 26 di september na ImSan na Sanicolas for di 9am te cu 12or.

E campaña di concientisacion ‘Ban preveni Cancer Hunto’ ta enfoca riba 3 aspecto cu por yuda preveni cancer: Mantene un peso saludabel, Move mas y Come Saludabel y tur e tres puntonan aki lo bin dilanti den e charla.

Durante e mainta aki lo tin diferente orador.

  • Saskia Budel ta nutricionista y lo papia riba con nos por come saludabel y mantene un peso saludabel.
  • Rene Wild no ta desconoci den comunidad y ta un fitness instructor y nutricionista. E lo papia riba e importancia di movecion regular den nos bida diario
  • Solange Tchong ta traha den e departamento di comunicacion di AZV y e lo amplia riba e servicionan cu AZV ta brinda na pashentnan di cancer
  • Soila Vries ta un sobrebibiente di cancer y e lo conta su experiencia cu cancer y con el a surpasa tur cos
  • dr. Sandy Roga, B.s.D.C. ta chiropractor y e lo splica con esaki por yudabo den hiba un estilo di bida saludabel
  • Bojoura Cos Richards di KWF Aruba lo duna un splicacion riba e servicionan cu nos ta brinda comunidad.

Un peso saludabel, movecion y come saludabel no solamente ta importante den e parti preventivo pero tambe estudionan cientifico ta mustra cu un estilo di bida saludabel ta hopi importante pa e sobreviviente di cancer tambe. Come saludabel, ehercicio regular y un peso saludabel ta yuda e sobreviviente di cancer preveni pa haya cancer atrobe.

E charla aki ta dirigi riba comunidad en general y e entrada ta gratis. Si bo kier mas informacion y kier registra di antemano, bo por haci esaki na nos Centro di Informacion na Spinozastraat 9, net patras di Watertoren na Playa. Tambe por yama na 5820412 of registra via nos FaceBook Koningin Wilhelmina Fonds Aruba.

%d bloggers like this: